साँगा(काभ्रे), ६ असोज : सात वर्षका बालकले स्काभेटर चलाएपछि स्थानीय तथा विद्यालय परिवारले वालकलाई सम्मान गरेको छ । नासिका ७ खाल्चोकका धावा फेञ्जि लामाले सोमबार स्काभेटर चलाएर सबैलाई आश्चर्यचकित पारेका थिए । लामाले स्काभेटर चलाएपछि उनलाई जिल्ला शिक्षा अधिकारी रामशरण सापकोटा, प्याव्सन अध्यक्ष जगन्नाथ अधिकारी, विद्यालयका प्रिन्सिपल श्याम भुजेल, अभिभावक राजेश लामाले सम्मान गरेका थिए । धावालाई सानै उमेरमा स्काभेटर जस्तो सवारी साधन चलाउने साहस गरेको भन्दै सबैले धन्यवाद दिएका थिए ।
शिक्षा अधिकारी सापकोटाले वालकको प्रतिभा तेज भएकाले अध्ययनमा पनि उतिकै समय दिनु पर्ने बताएका थिए । ‘युवाहरुले गर्ने काम वालकले गरेकाले उनिमा बुहप्रतिभा देखिएको छ’–सापकोटाले भने । धावालाई अन्य सृजनशिल काममा लगाएर बाल प्रतिभा सार्वजनिक गर्नु पर्नेमा उनले जोड दिएका थिए । २०६० असार १ गते जन्मेका धावाले गत चैत महिना देखि मात्रै स्काभेटर प्रति चासो ब्यक्त गरेका थिए ।
घर नजिकै ढुँगा खानीमा संचालन भईरहेका स्काभेटरहरु अपरेटरले चलाएको उनले हेर्दै आएका थिए । हेरेकै भरमा भदौ महिनामा स्काभेटर चलाउने आँट गरेपछि अभिभावक राजेशले उनको परिक्षण गरेका थिए । सहजै बालक धावाले स्काभेटर चलाएपछि परिवार खुशी भएर प्रतिभाका बारेमा सार्वजनिक गरेका थिए । सोमबार धावालाई सम्मान गर्दै प्याव्सन अध्यक्ष जगन्नाथ अधिकारीले बालकलाई राष्ट्रिय प्रतिभाबाट सम्मान गर्नु पर्ने बताएका थिए । स्काभेटरका बारेमा हेरेरै क्षमता देखाउन सक्ने कुशल प्रतिभावान् बालकलाई अवसर भएमा राष्ट्रकै नाम राख्ने भन्दै अधिकारीले बालकलाई धन्यवाद दिएका थिए । पत्रकार महासंघ काभ्रेका सचिव महेश पौड्यालले बालकको प्रतिभालाई अवसर प्रदान गर्नु पर्नेमा जोड दिएका थिए ।
धावाले करिव १५ मिनेट स्काभेटर चलाएका थिए । स्काभेटरमा बस्ने वितिक्कै धावाले व्रेकर उचालेर घुमाएका थिए । करिव २ सय मिटर तलसम्म लगेपछि माटो उचालेर फ्यालेका धावाले पहिलाकै स्थानमा ल्याएर स्काभेटर रोकेका थिए । बालकको प्रतिभा हेर्न उनि पढ्ने विद्यालयका सबै विद्यार्थी उनकै गाउँ खाल्चोक पुगेका थिए । भर्खर केजी कक्षामा अध्ययनरत धावा कक्षाका प्रथम छात्र हुन् । ‘केटाकेटीहरुसँग खेल्न भन्दा नेतृत्व गर्न मन पराउने धावा आफु भन्दा ठुलासँग मात्रै सँगत गर्छ’ धावाका बाबु राजेशले भने ।
No comments:
Post a Comment